لحظة جنون واتملكتني
مشاعري فجأة كلبشتني
مدّت إديها وسلـّمت
..نفسي اتخطف والربكة جاتني
**
الكون سكت واتكلـّمِتْ
مِلكتني لمّا اتـْبسّمِتْ
قلبي انتعش .. صوتي ارتعش
روحي إليها استسلمت
**
**
نسيت عيونهم وسرحت فيكي
معرفش إيه وقعني بيكي
قفلت عقلي واديتكوا ضهري
ولقيتني قاعد أرسم عينيكي
**
موجة ف عيونك عليّا فاضت
ودّت وجابت ..خدت ما سابت
وانا اللي كنت جدع وثابت
أهي نظرة واحدة دوختني
**
لحظة جنون واتملكتني
لكنها لحظة وسابتني
وفقت منها لقيت عيونها
!! بتقوللي حيلك
!!الناس كلتني
ben Azzam
23-6-2007
